Легендата на Рома, Франческо Тоти објави дека во понеделник во 13 часот ќе оддржи посебна прес-конференција, каде што се очекува дека ќе го објави своето заминување од „волчицата“.
Иако ова уште не е официјално, италијанските медиуми тврдат дека Тоти решил да си замине од позицијата директор во клубот поради големите несогласувања со првите луѓе на клубот. Тоти е директор во Рома по пензионирањето од фудбалот во 2017 година и има договор до јуни 2021 година.
Се верува дека Тоти е лут на претседателот Џејмс Палота по заминувањето на спортскиот директор Мончи во март и отказот кој го доби тренерот Еузебио ди Франческо. Палота призна дека му ја понудил улогата на технички директор во Рома, но додаде дека „ако на Франческо му треба време, ќе му го дадеме“.
Ако се потврди заминувањето, Тоти ќе замине од својот омилен клуб по 30 години, по 786 настапи како фудбалер.
Domani alle 14 presso il CONI si terrà la conferenza stampa di Francesco Totti. Per accreditarsi è necessario compilare il form “Press” su https://t.co/FxZqA2LRHU. I posti sono limitati. La conferma di avvenuto accredito sarà inviata tramite email.
— Francesco Totti (@Totti) June 16, 2019