Млад фудбалер од шпанска Кордоба е пронајден мртов. Станува збор за Алвар Прието, 18. годишник кој на 12 октомври беше пријавен за исчезнат и оттогаш до денес се трагаше по него.
„Марка“, пишува дека безживотното тело на Прието било пронајдено меѓу два вагони на воз во движење.
Прието последен пат беше виден на железничката станица Санта Хуста на 12 октомври кога беше „забележан“ на безбедносните камери.
ℹ️ COMUNICADO OFICIAL || Desde el Córdoba CF lamentamos informar de que nuestro jugador juvenil Álvaro Prieto ha sido finalmente encontrado sin vida.#DEP 🙏
➡️https://t.co/cIjMna0PVY pic.twitter.com/OdChqR0IxS— Córdoba CF (@CordobaCF_ofi) October 16, 2023
Шпанските медиуми пренесуваат дека Прието вечерта бил излезен во Севилја со пријател, по што требало со воз да се врати дома во Кордоба.
Изгледа дека имал проблеми да влезе во воз поради испразнета батерија на мобилниот телефон, поради што не можел да им докаже на кондуктерите дека купил билет.
Се уште не е позната точната причина за трагичната смрт на овој млад човек.