Градското дерби на Севилја и пресметките на најпопуларните клубови од Баскија, со Атлетико и Барселона, се дерби мечевите, кои ќе се одиграат во осмина-финалето во Купот на Шпанија.
Во оваа фаза, во Купот на Шпанија се игра само еден натпревар.
Ждрепката ги спои Бетис и Севилја, Реал Сосиедад и Атлетико Мадрид, односно Атлетик Билбао и Барселона.
Дуелот на Атлетик и Барселона е реприза на минатосезонско финале во Купот.
Добра ждрепка има Реал Мадрид и Валенсија.
Реал ќе гостува во Елче, а Валенсија ќе патува на дуел со третолигашот Атлетик од Балеарските острови. Рајо Ваљекано на голманот Столе Димитиревски ќе гостува во Џирона.
Натпреварите ќе се одиграат на 15, 16, 19 и 20.јануари.
