Реал Мадрид и Наполи го комплетираа списокот од осум екипи кои ќе се борат за трофејот, во Лигата на шампиони. Меѓу најдобрите осум Италија има три екипи, Англија е застапена со две, а по еден претставник имаат Шпанија, Германија и Португалија.
Покрај овие два тима, претходно пласман во четвртфиналето изборија Интер, Милан, Челзи, Манчестер Сити, Баерн и Бенфика.
Четвртфиналните двојки ќе бидат извлечени, во петок, во седиштето на УЕФА во НИон.
Првите натпревари ќе се одиграат на 11 и 12 април, а реваншите се на програмата на 18 и 19 април.
Реал Мадрид ја брани титулата европски првак, а големото финале е закажано за 10 јуни на стадионот „Ататурк“ во Истанбул.