Реал Мадрид со тешка мака ги освои бодовите на гостувањето во Виго. Лидерот во Ла Лига ја победи Селта со 2:1.
Реал, како и многу пати сезонава, одигра лош натпревар, но успеа некако да победи. На овој натпревар судијата Фуертес три пати покажа на белата точка за Реал. Два пати прецизен беше Бензема, еден пенал му одбрани голманот Дитуро.
Првиот гол од белата точка, Бензема го постигна во 19.минута, откако Нолито без потреба го фаулираше Едер Милитао. Во 40.минута поради офсајд беше поништен голот на Гаљардо.
Селта сепак успа да израмни, во 53.минута Нолито го совлада Куртоа.
Бензема не реализираше пенал во 64.минута, Дитуро го одбрани неговиот удар. Пет минути подоцна Фуертес уште еднаш покажа на белата точка. овој пат Бензема не погреши, го постигна својот 24.гол во сезоната, а на Реал му го донесе 69 бод во сезоната.