Фудбалерите на Џирона забележаа победа над Рајо Ваљекано 2:1, во првиот натпревар од саботната програма во Примера. Клубот од Каталонија до победата стигна со двата гола на Порту.
Џирона како фаворит влезе во пресметката на тимовите што по девет кола се наоѓаа во долниот дел на табелата и тој статус во целост го оправда.
Крилниот напаѓач Порту постигна два гола во финишот на првиот дел од натпреварот. Првиот гол го постигна од пенал во 34.минута, а вториот во последната минута од првиот дел по додавањето од Борха Гарсија.
Играчите на Рајо постигнаа гол во 61.минута преку Алехандро Галвез, но до крајот немаа сили да стигнат барем до еден бод.
Џирона мечот го заврши со играч помалку, бидејќи поради два жолти картони во 88.минута беше исклучен Ентони Лозано.
Оваа победа ја искачи Џирона на деветтото место, додека Рајо остана на претпоследната позиција.