Њукасл го декласира Тотенхем на „Сент Џејмс Парк“ со 6:1 и се зацврсти на позициите кои водат во Лигата на шампионите. Сите дилеми беа решени по дваесетина минути, откако Њукасл имаше фуриозен старт и поведе со 5:0. Двоен стрелец беше Џејкоб Марфи, погоди Жоелинтон, а потоа и Александер Исак постигна два гола.
Во вториот дел, Хари Кејн намали на 5:1, а Калум Вилсон го постави конечниот резултат на овој меч.
Вест Хем исто така беше убедлив на госит против Борнмут и победи со 0:4. Микаел Антонио го отвори резултатот, Лукас Пакета беше стрелец на вториот гол, а до крајот на првиот дел погоди и Деклан Рајс. Во второто полувреме Форналс го потврди триумфот.