Европската фудбалска унија (УЕФА) реши од сезоната 2024/2025 да го смени форматот во Лигата на шампионите. На овој начин УЕФА сака да и се спротивстави на идејата која ја форсираат Јувентус и Реал Мадрид за формирање на европска Суперлига.
Според новиот формат, во Лигата на шампионите ќе учествуваат 36 екипи. Исто така повеќе нема да се игра групната фаза. Планот на УЕФА е Лигата на шампионите да наликува на кошаркарската Евролига.
УЕФА ќе ги подели клубовите во четири квалитативни категории. До почетокот на нокаут-фазата, секој тим ќе одигра по десет натпревари (пет дома и пет во гости).
Првите осум екипи на табелата ќе изборат директен пласман во осмина-финалето. додека клубовите кои ќе се пласираат од 9. до 24.место ќе разигрувата за преостанатите осум места. Поразените одо тие натпревари ќе продолжат да играат во Лига Европа.