Младиот француски напаѓач Килијан Мбапе, откако викендов постигна четири гола за ПСЖ против Лион, синоќа постави уште еден рекорд, овој пат во дресот на националниот тим.
Франција одигра контролен меч со Исланд и успеа да извлече 2:2 откако Исланѓаните со голвите на Бјарнасон и Арнасон водеа 0:2.
Мбпае во игра влезе во второто полувреме, најпрвин постигна гол (со помош на Ејолфсон) во 86.минута, а потоа реализираше пенал во последната минута од натпреварот.
Напаѓачот дојде до бројката од десет гола во дресот на Франција и стана првиот играч во историјата на националниот тим кој до оваа бројка стигнал пред својот 20. роденден.
Мбапе 20 години ќе наполни на 20. декември.
Најдобар стрелец во историјата на Франција со 51 гол е Тиери Анри, а десет помалку има постигнато уште една легенда, Мишел Платини. Од активните репрезентативци прв на листата е Оливие Жиру со 32 гола.
10 – Kylian Mbappé is the first player ever to reach the 10 goals scored for France before turning 20. NoWords. pic.twitter.com/vfy7IzZHNp
— Optajean (@OptaJean) October 11, 2018
Мбапе со пенал ја „спасуваше“ Франција од Исланд, Шпанија го „прегази“ Велс (видео)