Тинејџерот Јунус Муса го продолжи договорот со Валенсија до 2026 година, откако оваа сезона го предизвика вниманието на повеќе големи европски клубови со своите настапи.
18-годишниот Муса, кој е роден во Њујорк, но пораснал во Италија и Англија, е достапен за четири репрезентации – САД, Англија, Гана и Италија, а веќе имаше два настапи во пријателските мечеви на САД со Велс и Панама како втор најмлад фудбалер на американската репрезентација.
Муса има еден гол во 10 настапи во првата сезона со првиот тим на Валенсија, откако претходно работеше во академијата во Арсенал, во период кога настапуваше за англиската У-18 репрезентација, а неодамна англискиот селектор Герет Саутгејт откри дека тој останува на пошироката листа.
✍️ YUNUS MUSAH 2⃣0⃣2⃣6⃣
?️ "I'm very happy to be staying at Valencia CF for many more years"#AMUNTValencia ? #Yunus2026 #VCFMyPlaceInTheWorld ⚪️⚫️
— Valencia CF ??? (@valenciacf_en) December 4, 2020