Виргил ван Дајк е пред потпишување на нов шестогодишен договор со Ливерпул, со што ќе се обврзе на „црвените“ и дополнително ќе добие огромно зголемување на својата плата, објавува „Дејли мирор“.
Ван Дајк, кој неодамна ја доби наградата на УЕФА за најдобар фудбалер минатата сезона, а исто така е во игра иза „Златната топка“, беше клучен фудбалер за тимот на Јирген Клоп, кој минатата сезона ја освои титулата од Лигата на шампионите.
Ван Дајк би добил неделна плата од над 200.000 фунти, што е речиси двојно од неговата сегашна плата од 125.000 фунти плус бонуси. Холанѓанецот има уште четири години од својот договор со клубот од „Енфилд“, но управата на клубот сака нов договор откако Манчестер јунајтед го добија Хери Мегвајр за да го потврдат статусот на големиот Холанѓанец, кој пристигна во клубот пред само 20 месеци во јануари 2018 година.
EXCLUSIVE: Virgil van Dijk agrees new six-year Liverpool deal as Harry Maguire’s Man Utd transfer triggers huge wage hike | @Neil_Moxley https://t.co/wWAF2Dpqxz pic.twitter.com/gIcVNocdSX
— Mirror Football (@MirrorFootball) September 7, 2019