Виргил ван Дајк вели дека Ливерпул мора да биде постојано фокусиран на следниот натпревар и дека никој кај „црвените“ не смее да размислува за трката за титулата во Премиер лигата.
По тешката 1:0 победа над Шефилд јунајтед во саботата, Ливерпул има седум победи во низа на стартот на сезоната, и вкупно имаат 16 победи во низа во ПЛ, втора најдолга серија во историјата и пет поени предност пред Манчестер сити. Ван Дајк вели дека бројките не го импресионираат.
„Медиумите сакаат статистики. Реалноста е дека Ливерпул во моментов не освоил ништо. Сакаме да продолжиме да играме добро и има простор да бидеме уште подобро. Рано е да се гледа на табелата. Уште не е октомври и доаѓаат многу важни натпревари за нас. Нема поента да гледам кон другите“, вели Ван Дајк.