Холандскиот тренер Луј Ван Гал го критикуваше својот наследник на клупата на Манчестер јунајтед Жозе Мурињо поради стилот на игра и дефанзивниот пристап.
Во изјава за „Гокс Спортс“ во Холандија, Ван Гал рекол:
„Доколку ме прашувате како ја оценувам својата работа во Манчестер јунајтед би рекол дека таму ја минав најдобрата сезона во кариерата. Игравме добар фудбал, но таков стил кој го негувавме не е ценет во Англија.
Сега кога ќе го погледнам Јунајтед, морам да забележам дека Мурињо не добива критики иако неговиот фудбал е досаден. Повеќе би сакал да го гледам како игра Сити, отколку Јунјатед.
Она што сега го игра Манчестер јунајтед е дефанзивен фудбал. Јас секогаш играв напаѓачки. Доказ за тоа е дека противничките тимови секогаш паркираа автобус. Сега не го прават тоа бидејќи Мурињо игра дефанзивен фудбал“, рекол Ван Гал.