Венеција стигна до импресивна 2:1 победа на гостувањето кај Торино за да излезе од зоната за испаѓање во италијанската Серија А.
Откако загубија четири пати во последните пет кола, работите не изгледаа добро за новиот прволигаш на гостувањето кога Јосип Брекало уште во петтата минута ги донесе „биковите“ во водство. Меѓутоа, дефанзивецот Риџесијано Хопс израмни во 38. минута на асистенција на Словенецот Домен Чрнигој, кој потоа само што почна второто полувреме ги донесе гостите во водство. Андреа Белоти во 90. минута ја затресе мрежата на Венеција, но по долгата ВАР проверка, голот беше поништен поради офсајд.
Торино останува на 10. место со 32 поени, а Венеција сега е на 17. место со 21 поен, еден пред Каљари и дури седум пред Џенова.