Меѓународната фудбалска федерација (ФИФА) и наложи на Венецуела да му плати речиси три милиони долари на својот поранешен селектор Хозе Пекерман како компензација за отказот во март 2023 година.
Фудбалскиот сојуз на Венецуела ќе му плати на Пекерман 1,71 милиони долари за за неизмирените плати, плус пет отсто годишна камата од 23 август 2023 година до подмирување на долгот и 1,14 милиони долари казни, се вели во соопштението на ФИФА, пренесе денеска Франс прес.
По 15 месеци на чело на Венецуела, 74-годишниот Пекерман ја напушти земјата пред почетокот на квалификациите за Светското првенство во 2026 година.
Како што пишува венецуелскиот печат, Хозе Пекерман добил отказ откако при ревизијата биле откриени неправилности поврзани со Паскал Лескан, „десната рака“ на тренерот.
Доаѓањето на поранешниот селектор на Колумбија и Аргентина ги зголеми очекувањата во Венецуела, единствената земја на КОНМЕБОЛ која никогаш не се пласирала на Светското првенство.
Пекерман е трикратен светски шампион со репрезентацијата на Аргентина до 20 години. Него го наследи помошникот Фернандо Батиста, кој имаше добар почеток на квалификациите за пласман на СП. Венецуела по шест рунди се наоѓа на четвртото место на табелата.