Јан Вертонген ќе го напушти Тотенхем по завршувањето на сезоната. Договорот на Белгиецот со клубот од Лондон истекува на 30 јуни.
„Сакам да потпишам за вистински клуб, можеби тоа ќе биде Тотенхем или некој друг клуб. Во секој случај клубот треба да биде амбициозен. Сакам да останам во Европа, важен ми е и националниот тим“, рекол Белгиецот.
„Исто така би сакал да научам уште еден јазик. Опции се Шпанија и Италија. Важно ќе биде на колку години ќе ми понудат договор. Звучи лудо но интересот е поголем откако започна оваа ситуација. Можеби некои тимови ќе имаат помалку пари за трошење“, рекол Вертонген.
Јан Вертонген во Тотенхем пристигна од Ајкас во 2012 година.