Артуро Видал ја остава отворена можноста да си замине од Барселона веќе во јануари, велејќи дека не се чувствува важно на „Ноу Камп“, каде што не секогаш добива шанса да игра.
32-годишниот ветеран дојде во Каталонија летото 2018 година по настапите во Баер Леверкузен, Јувентус и Баерн Минхен, но имаше само три старта за Барса оваа сезона и вкупно 13 настапи во сите натпреварувања.
„Ако во декември или на крајот на сезоната не се чувствувам важен тука, ќе направам одлука да побарам можност на друго место, каде што повеќе ќе ме ценат. Секогаш има понуди, но во моментов сум фокусиран на мојата работа. Морам да сум подготвен и да ја искористам секоја шанса“, вели Видал, кој има четири гола за Барса оваа сезона.