Тренерот на Реал Мадрид, Алваро Арбелоа, го коментираше испаѓањето на шпанскиот клуб од Лигата на шампионите по поразот од 4:3 од Баерн. Зборувајќи за медиумите по натпреварот во Минхен, тој се осврна на моментот кога беше исклучен Едуардо Камавинга.
Во својата изјава за „Movistar+“, Арбелоа беше особено критичен кон судијата Славко Винчиќ, поради вториот жолт картон што му го покажа на Камавинга во 86-та минута.
„Очигледно е дека сум погоден. Не можете да исклучите играч на тој начин. Судијата дури и не знаеше дека веќе има жолт картон, затоа му го покажа. Со тоа, тој уништи прекрасен елиминациски натпревар“, рече стратегот на Реал.
И покрај елиминацијата, тој изрази гордост за трудот што го вложија неговите играчи.
„Жал ми е за нив. Ме боли што Реал нема да ја освои 16-тата титула европски шампион оваа година, но сум многу горд. Се враќаме во Мадрид со кренати глави затоа што дадоа се од себе“, рече тој.
За самиот натпревар, тој додаде: „Имавме неколку шанси за гол. Сакавме да направиме неколку измени непосредно пред тие да постигнат гол, но потоа сè заврши. Сега мора да продолжиме понатаму и да продолжиме да се бориме до крајот на сезоната.“
Foto/ EPA