Кошаркарите на Денвер победија дома против Портланд по продолжение со 137:132.
Екипата на Дејвид Аделман го оствари деветтиот последователен триумф, а Никола Јокиќ повторно беше најзаслужен за победата против Портанд.
Јокиќ на теренот мина 43 минути, што повторно беше доволно за трипл-дабл, негов 33-ти оваа сезона, а натпреварот го заврши со 35 поени, 14 скока и 13 асистенции со пет украдени топки.
Тој е првиот играч од сезоната 1973/1974 со натпревар од 35/10/10/5.
Нагетс, славеа со сензационален пресврт, откако во последната четвртина надополнија минус од 16 поени.
Покрај Јокиќ се истакна Арон Гордон со 23 поени и пет асистенции. Џамал Мареј додаде 20 поени со седум асистенции, а Кам Џонсон постигна 17 поени.
Во тимот на Портланд се истакна Тумани Камара, кој беше најдобар со 30 поени, додека Дени Авдија додаде 26, со седум асистенции и четири скока и исто толку изгубени топки.
Нагетсите сега се трети на табелата во Западната конференција со скор од 51-28.
Резултати:
Атланта Хокс – Њујорк Никс 105:108
/Александар Вокер 36 – Бренсон 30/
Орландо Меџик – Детроит Пистонс 123:107
/Банкеро 31 – Дурен 18/
Сан Антонио Спарс – Филаделфија 115:102
/Кесл 17 – Ембид 33/
Мемфис Гризлис – Кливленд Кавалирс 126:142
/Максенс Проспер 24 – Мобли 24/