Германската репрезентација е првиот полуфиналист во Лигата на нации по турбулентниот реванш меч со Италија во кој водеа со 3:0, а потоа им дозволија на гостите да се вратат во живот, за конечни 3:3.
По триумфот на гостински терен од 2:1 пред три дена, избраниците на тренерот Јулијан Нагелсман беа на пат убедливо да го совладаат четата на Лучијано Спалети, на крај се спасија да не играат продолженија.
По само 45 минути семафорот гласеше 3:0.
Германија играше како во најдобрите времиња кога сееше страв каде и да се појави, кој и да беше на спротивната страна.
Тандемот на Баерн Џошуа Кимих и Џамал Мусиала брзо, за само неколку минути, стави точка на двомечот, со што го реши прашањето за пласман на завршниот турнир.
Кимих погоди од пенал, а Мусиала потоа погоди благодарение на неверојатниот кикс на Италијанците. Додека Италијанците му се жалеа на судијата, во кој учествуваше и Донарума кој непромислено се оддалечи од голот, Германците набрзина изведоа корнер, а Мусиала оставен сам во шеснаесетникот ја спроведе топката во небранетата мрежа. Тим Клајдинст во финишиот ги шокираните Италијанци до крајот на полувремето.
Во преостанатиот дел од мечот, Италијанците се вратија, нио немаа време за целосен пресврт.
Двоен стрелец беше Мојс Кен, погодувајќи во 49. и 69. минута, а драмата дојде длабоко во судиското надополнување, кога Распадори постигна гол од белата точка во 90+5. минута.
Грогираните Германци успеаја да се одбраната во преостанатите две минути.