Манчестер Сити го декласираше Ливерпул со 4:0 на „Етихад“ и се пласираше во полуфиналето на англискиот ФА Куп. Натпреварот го одбележа фантастичниот Ерлинг Халанд, кој постигна хет-трик, додека трагичар на натпреварот беше Мохамед Салах, кој, меѓу другото, промаши пенал. Тоа беше еднонасочна игра во која Ливерпул претрпе еден од најтешките порази во сезоната, пишува „Скај Спортс“.
Откако Халанд ја најави катастрофата на гостите со два гола во првото полувреме, Сити продолжи во ист ритам и во второто полувреме. Веќе во 50-та минута, Семењо го зголеми резултатот на 3:0, а само седум минути подоцна, Халанд го комплетираше својот хет-трик за 4:0.
Додека Сити доминираше, Ливерпул ги пропушти своите ретки можности, а Мохамед Салах беше „главениот актер“.
Египќанецот пропушти одлична можност во 55-та минута кога топката му „слета“ на левата нога во шеснаесетникот, но тој ја испрати високо над голот.
Кулминацијата на неговата лоша игра се случи во 64-та минута. Откако Екитике беше соборен во шеснаесетникот, Ливерпул имаше шанса да постигне почесен гол, но ударот на Салах од пенал беше прочитан и одбранет од голманот Трафорд.