Манчестер Сити со пресврт стигна до победа (1:3) на гости против Вест Хем. Домаќинот по првото полувреме имаше предност со голот на Ворд – Праус, но тимот на Пеп Гвардиола се разигра во вториот дел. Џереми Доку постигна првенец во Премиерлигата во 46.минута, Бернардо Силва се погрижи за пресврт во 76.минута, а Ерлинг Халанд го запечати триумфот во 86.минута.
Луда победа оствари Тотенхем (2:1) со два гола против Шефилд Јунајтед во судиското продолжение. Густаво Хамер погоди во 74.минута, но Ришарлисон во 98.минута и Дејан Кулушевски во 100.минута направија пресврт.
Манчестер Јунајтед загуби дома од Брајтон со 1:3. Дани Велбек, Паскал Грос и Жоао Педро донесоа голема предност од 0:3 за гостите, а Ханибал Мејбри постигна почесен гол за „ѓаволите“.
Фулам го победи Лутон со 1:0, а Астон Вила го совлада Кристал Палас со 3:1.