Top Sport

(Видео) Нов пораз во Лигата на нации – Словенија лесно се справи со Македонија во Скопје

Фудбалската репрезентација на Македонија, со пест порази во шест натпревари го заврши учеството во Б дивизијата во Лигата на нации. Вечерва во Скопје, Македонија загуби од Словенија со 0:3 (0:1).

Македонските фудбалери одиграа уште еден разочарувачки натпревар, демонстрираа немоќ против цврстата и тактички одговорната репрезентација на Словенија.

И во овој натпревар забележливо беше дека Македонија нема концепт, нема јасна визија што сака да игра на теренот.

Словенците од три школски акции, постигна три гола, а при тоа на Македонија и дозволи само една добра шанса, на Дориев во 52-та минута, кога Облак одбрани.

Штурм го постигна првиот гол во 29-та минута, а на 0:2 зголеми Зец во 66-та минута. Асистент за двата гола беше Випотник.

Точка на натпреварот стави Штурм со својот втор гол во 91-та минута.

Со овој пораз Македонија ја продолжи црната серија, нема победа на последните 14 натпревари (девет порази). Во ерта на Гоце Седолски одигра десет натпреваари, билансот е мизерен, осум порази и деве нерешени со гол разлика 1:20.

Во групата Македонија заврши последна без освоен бод и со срамна гол разлика, еден постигнат и 15 примени голови. Словенија го освои второто место и ќе игра бараж за пласман во А дивизијата.

Македонија ќе се бори за опстанок во Б дивизијата, а противник ќе и биде Естонија, Молдавија, Фарските Острови и Белорусија.
Ждрепката за бараж-дуелите ќе се одржи на 20 ноември, додека натпреварите се предвидени за периодот од 25 до 30 март 2027 година.

EPA/GEORGI LICOVSKI

Scroll to Top function disable_right_click() { echo ""; } add_action('wp_footer', 'disable_right_click');