Пријателскиот натпревар помеѓу Њујорк Ред Булс и Клуб Америка од Мексико се претвори во вистински хаос. Средбата одиграна во Њу Џерси заврши со победа на американскиот тим од 1:0, но резултатот остана во втор план по масовната тепачка што избувна во 85-та минута.
Сè започна по еден прекршок близу гол-линијата. Вербалната расправија меѓу играчите набрзо се претвори во туркање, а потоа и во размена на удари. Фудбалерите од двата тима се вклучија во тепачката, додека соиграчите и членовите на тренерскиот штаб се обидоа да ги разделат.
Red Bull New York 🇺🇸 1:0 🇲🇽 Club America – friendly game played at the Sports Illustrated Stadium. Extraordinary scenes in the last 5 minutes when an ice hockey style fight broke out. Both sides finished the ⚽️ with 8 men. #RBNY @ClubAmerica @NewYorkRedBulls pic.twitter.com/beIgEnj1TD
— An English Groundhopper in East Flanders (@AnFlanders) November 15, 2026
Еден од најсрамните моменти снимени на видео беше потегот на играчот на Њујорк Ред Булс, Енди Рохас, кој го удри Дагоберт Еспиноза во тилот.
Откако ја смири ситуацијата, судијата додели дури пет црвени картони. Роналд Донкор и Нехуен Бенедети беа исклучени за домаќините, додека Емилио Лара, Рамон Хуарез и Дагоберто Еспиноза мораа да го напуштат теренот за мексиканскиот тим.
What are these Club America and New York Red Bulls players doing, fighting in a friendly match? 🤣
Ref went home feeling like he just refereed El Clasico. He gave out more red cards than goals. pic.twitter.com/7kwa6hggha
— Pulse Edge Sports (@PulseEdgeSports) November 15, 2026
Засега не е познато дали Рохас последователно ќе биде казнет за учеството во инцидентот. Ситуацијата дополнително ескалираше кога навивачите од трибините почнаа да фрлаат предмети на теренот. Видеата од тепачката наскоро се проширија на социјалните мрежи.