Фудбалерите на Шкендија доживеаја пораз од Самсунспорт, во првиот бараж натпревар, за пласман во осминафиналето во Конференциската лига. Вечерва во Скопје, турскиот тим победи со 1:0.
Самсунспор, доминираше, особено во првото полувреме, кога поранешниот напаѓач на Црвена звезда, Шериф Ндијај промаши пенал. Сенегалецот, во седмата минута шутираше над голот.
Шкендија најдобрата шанса ја пропушти во 52-та минута, кога ударот на Ибраими заврши крај голот.
Самсунспор доминцијата, во најголемиот дел од натпреварот, ја круниса со гол во 77-та минута, кога мрежата на Шкендија ја погоди Мариус.
Реваншот во Турција се игра наредниот четврток.
EPA/GEORGI LICOVSKI