По долго време се најде тим што успеа да му се спротивстави на Ливерпул. Лидерот во Премиер лигата, синоќа одигра 3:3 во Њукасл.
Ливерпул до гостувањето кај „страчките“ имаше седум победи во сите натпреварувања. На „Сент Џејмс парк“, Ливерпул два пати губеше, потоа Салах со два гола направи целосен пресврт, а потоа голманот келехер со лоша проценка му подари бод на Њукасл.
„Имам навистина измешани чувства, бевме извонредни во второто полувреме, но не бевме доволно добри во првото полувреме. Можеби реално е што заврши 3.3. Тие беа навистина агресивни и не натераа да грешиме, додека бевме подобри по паузата, знаев дека работите можат да се променат“, рече Арне Слот и потоа откри дека уште еднаш бил восхитен од играта на мохамед Салах.
„Секогаш кога ни треба Мо Салах, тој постигнува гол. Се надеваме и очекуваме дека ќе може да продолжи да го прави ова уште долго. Беше извонреден во второто полувреме, направи многу посебни работи за нас… Келехер? Се разбира дека јас би сакал да останеше 3:2 за нас, но тоа е фудбалот, такви работи се случуваат . Погрешно ја процени ситуацијата во тој момент“, објасни Слот.