Фенербахче е во центарот на вниманието по ремито 1:1 со Рома на почетокот од Лигата на шампионите.
Тренерот Исмаил Картал објави дека поднел оставка и дека нема да се врати во клубот, но претседателот Азиз Јилдирим веднаш објави дека искусниот стручњак ќе остане на функцијата.
Картал ја објави одлуката на прес-конференција веднаш по натпреварот со Рома.
„Вечерва поднесов оставка. Ја донесов оваа одлука за да го отворам патот за мојот клуб. Поднесов оставка додека патот беше сè уште отворен, без намера некогаш да се вратам“, рече 65-годишниот тренер.
Ова беше негов четврти мандат на клупата на Фенербахче, и како и претходниот, не траеше долго. Сегашниот започна во јули, а Картал успеа да го воведе тимот во лигашката фаза од Лигата на шампионите.
Сепак, резултатите во домашното првенство не беа на очекуваното ниво. Фенербахче победи двапати во првите четири кола, додека минатиот викенд беа поразени од градскиот ривал Бешикташ.
Дополнителна тензија предизвика инцидент за време на натпреварот со Рома. Еден навивач фрли шише кон Картал и го погоди во главата.
İsmail Kartal’ın kafasına su şişesinin atılma anı. Bunu yapan oev tüm spor müsabakalarından ömür boyu men edilmeli.
Bu terbiyesizlik namussuzluk resmen. 𝕴̇𝖘𝖒𝖆𝖎𝖑 𝕶𝖆𝖗𝖙𝖆𝖑 📸sevmem gelmesini de istemedim ama böyle olmaz ayıp.. pic.twitter.com/jbOUBUfRxD— ONUR (@_damnsalvtore) September 10, 2026
„За време на натпреварот вечерва, некои навивачи фрлија шише кон тренерот и го удрија во главата. Затоа е многу вознемирен“, рече претседателот на клубот Азиз Јилдирим.
Јилдирим додаде дека разговарал со Картал, кој исто така му се пожалил на притисокот врз кој бил.
„Тукушто разговарав со Исмаил Картал. Тој го спомена инцидентот со шишето и се пожали дека бил под голем притисок“, рече претседателот на Фенербахче.
На прашањето дали Картал му потврдил дека ќе остане тренер, Јилдирим одговори:
„Нема потреба јавно да кажува дека ќе продолжи. Јас сум негов претпоставен, му реков да продолжи и тоа е тоа. Ние сме семејство.“
Foto/ EPA