Top Sport

Facebook Twitter

(Видео) Ужасни сцени во Барселона со автомобил влета во навивачите

Фудбал Makfax / 15.05.2025

Возач вчета со возило меѓу навивачите пред стадионот Еспањол, а според првите извештаи, најмалку 13 лица се повредени, според очевидци, четворица се тешко повредени и се однесени во болница.

Брза помош и полиција беа на местото на настанот и го уапсија возачот.

Полицискиот портпарол изјави дека „возачот ја изгубил контролата врз возилото“ и дека сите повредени претрпеле само полесни повреди. Според првите проценки на полицијата, станува збор за „несреќа“.

Наводно, во моментите кога бил опкружен со голем број луѓе, возачот имал „некаква медицинска состојба“ и тоа резултирало со губење на контролата врз возилото.

„Релево“ ја пренесува изјавата на едно лице кое било на лице место и кое тврди дека на возачкото седиште била жена „која се нервирала во оваа ситуација“.

Веста за сè што се случи беше објавена и на стадионот. Се играше петтата минута, а навивачите на Еспањол, најжестоките, ги напуштија своите места во знак на протест што и покрај несреќата, натпреварот продолжи.

Медиумите јавуваат дека еден од повредените е градоначалникот на Бадалона, Ксавиер Гарсија Албиол. Градскиот совет објави дека не станува збор за сериозна повреда, дека автомобилот само му ја прегазил ногата.

Scroll to Top