Младиот фудбалер Флојд Самба е главната приказна во светскиот фудбал оваа вечер, бидејќи импресионираше на своето деби за Манчестер Сити. Инаку Флојд е син на поранешниот премиер лигашки фудбалер, Кристофер Самба.
Флојд Самба е германски младински репрезентативец, има само 17 години и вечерва го предводеше Манчестер Сити до победата над Норич 5-0, во Лига купот.
Самба ја отвори серијата со убав удар со глава во 29-та минута, на асистенција на друг дебитант во дресот на „граѓаните“, Бразилецот Алан.
Samba gives Manchester City the lead !! pic.twitter.com/IWW2iQeGoc
— Best Moments Captured. (@BestMomentsCa) September 17, 2026
Шерки го зголеми резултатот на 2:0 во 32-та минута, а потоа Алан го круниса своето деби со одличен гол во 48-та минута.
Потоа на сцената повторно стапи Самба, го постигна својот втор гол во 54-та минута по додавањето од Аит-Нури.
Bouaddi/Samba/Cheri, this is futbolpic.twitter.com/0aXnm2xujR https://t.co/iuhLOdFbJz
— NP (@__TheNearPost_) September 17, 2026
Друг тинејџер, Рајан Мекаду, се погрижи за „петардата“ во 90-та минута од натпреварот.
Во осминафиналето од Лига купот, Сити ќе се соочи со Брајтон, кој го шокираше Манчестер Јунајтед на „Олд Трафорд“.