Тренерот на Барселона, Роналд Куман призна дека е „крајно разочаран“ од однесувањето на Илаиш Мориба и преговорите со 18-годишниот талент од „Ла масија“, поради барањето на превисока плата и покрај финансиската криза во која се наоѓа каталонскиот гигант.
Лео Меси веќе замина, а капитените се согласија за намалување на платите за да помогнат на клубот, но тинејџерот, кому договорот му завршува следното лето, бара плата од над 100.000 евра неделно.
„Илаиш? Зборував со него пред две-три недели, повеќе човечки, отколку фудбалерски. Неговата ситуација е ужасна бидејќи има само 18 години, тој е иднина на клубот и знае колку сите го сакаат. Советот кој му го дадов е едноставен – парите не се најважните на светот. Разочаран сум од него и од неговите агенти, бидејќи секогаш верувам повеќе во фудбалот отколку во парите“, изјави Куман.
Шпекулациите велат дека тој е понуден на повеќе елитни клубови низ Европа, бидејќи Барселона не планира да го пушти да игра ако не потпише нов договор. Тој беше исклучен и од Б-тимот на Барселона минатата недела.
Koeman: “Ilaix? I spoke with Ilaix Moriba 2 or 3 weeks ago, more as a person than as a coach. His situation is horrible because he’s only 18 years old, he is the future of the club and I know that the club love him. My advice is that money is not the most important thing.” pic.twitter.com/c2PnZTGhlG
— barcacentre (@barcacentre) August 20, 2021