Наполи со официјално соопштение ги нападна фудбалерите на Јувентус за „бесрамно и навредливо“ однесување при прославата на титулата во Италија.
„Бјанконерите“ покрај седмата титула во низа во Серија А по четврти пат едноподруго ја освоија и Копа Италија, а ја прославија титулата со поминување со отворен автобус околу Торино. Во текот на прославата, дел од фудбалерите, како Блез Матуиди и Даглас Коста имаа Инстаграм видеа во живо на кои можеа да се видат невкусни натписи и банери на навивачите.
Наполитанците најмногу ги налути моделот на ковчег со боите на Наполи и името на Лоренцо Инсиње.
„Шокирани сме од бесрамноста и навредливиот однос покажан од дел од фудбалерите на Јувентус. Ова се сериозни гестови кои ја навредуваат честа на луѓето, посебно на Наполитанците како Инсиње. Ова е целосно неприфатливо“, се вели во соопштението.
Siamo veramente indignati per l’atteggiamento vergognoso e offensivo tenuto da alcuni calciatori della Juventus oggi. Gesti gravi che offendono la dignità di un popolo e di un napoletano come Insigne. E’ inaccettabile #ForzaNapoliSempre pic.twitter.com/HDvTHJWNDF
— Official SSC Napoli (@sscnapoli) May 19, 2018