Диего Симеоне уште не се откажал од можноста Антоан Гризман да остане во Атлетико Мадрид, но веќе има испланирано негова за мена во Џејми Варди од Лестер, тврди британскиот таблоид „Дејли мирор“.
Симеоне бил импресиониран од Варди во натпреварите во Лигата на шампионите минатата сезона, а бидејќи Лестер следната година нема да игра во Европа, за Варди би било пожелно да се пресели на „Ванда метрополитано“.
31-годишниот Варди би заминал од Англија за 20 милиони фунти, иако во 2012 година дојде кај „лисиците“ за само 1 милион фунти од нисколигашот Флитвуд. Тој беше еден од клучните фудбалери во шампионската сезона на Лестер во 2015/16.
Фото: ЕПА