Седум навивачи на Коринтијанс трагично загинаа кога автобусот во кој патуваа на гостувањето доживеа сообраќајна несреќа.
Коринтијанс му беше домаќин на Крузеиро во Бело Хоризонте, а таму ја имаа поддршката од своите верни навивачи. Но, за жал, по враќањето дома, автобусот се превртел, а животот го загубиле седум лица.
Уште 36 патници се тешко повредени, а во автобусот имало вкупно 46 навивачи. Очевидци изјавија дека автобусот не можел да закочи и се превртел во обид да избегне судар со друг автобус.
#TRAGEDIA/ Registro gravado agora pouco de como ficou o ônibus da torcida do Corinthians após o acidente que vitimou até agora 8 torcedores. pic.twitter.com/RRzMa6Ro9Q
— ETTORCIDA (@ettorcidamemo) August 20, 2023
Коринтијанс изрази жалење за несреќата и изрази солидарност со семејствата на жртвите. Сочувство изразија и неколку други бразилски фудбалски клубови.
Бразилскиот претседател Луис Инасио Лула да Силва, кој е фан на Коринтијанс, изрази сочувство до семејството и пријателите на жртвите.
Натпреварот помеѓу Крузеиро и Коринтијанс се одигра синоќа во 2 часот по средно-европско време, а заврши со резултат 1:1. Недолго потоа се случи голема несреќа во која загинаа навивачи на славниот тим.