Српските медиуми објавија дека во нивната земја започнува првиот штрајк со глад на професионални фудбалери, откако поранешните фудбалери на Борац од Чачак денеска од 19.00 часот протестираат пред општината Чачак за неисплатените плати од клубот.
Штрајкот започнува откако измина рокот од 10 дена да им се исплатат долговите, а според српските медиуми се работи и за „шема“ за перење на пари, односно градските функционери десетината милиони динари наменети за Борац ги уплаќале на сметка на планинарско друштво од Бајина Башта, празнејќи го буџетот на општината.
Фудбалерите обвинуваат дека и луѓе во клубот учествувале во измамата со помош на функционерите на општината знаејќи дека нема да им се исплатат платите на фудбалерите, објавува синдикатот на фудбалери „Независност“.
Prvi u svetskoj istoriji štrajk glađu profesionalnih fudbalera počinje za 15 minuta… pic.twitter.com/UO9IwCacN4
— Mirko Poledica (@MikiP78) June 8, 2020