Фудбалерот на ПСЖ, Лионел Меси е еден од 30. кандидати за престижната награда Златна топка.
Капитенот на фудбалската репрезентација на Аргентина, во 2019 година, рекорден шести пат, ја доби наградата. Поради пандемијата на коронавирусот, Златната топка, не беше доделена минатата година.
Меси, немаше добра сезона со Барселона, поради што и не е во најтесниот круг на кандидатите, но има свои фаворити.
„Во нашиот тим имаме двајца играчи на кои би им го дал својот глас. Тоа се Килијан Мбапе и Нејмар. Исто така би гласал и за Роберт Левандовски. Имаше неверојатна сезона. Карим Бензема исто така беше одличен“, изјави Аргентинецот за „Франс фудбал“.