Англискиот фудбалски менаџер и ТВ-коментатор Јан Холовеј стана предмет на потсмев откако тврдеше дека новото правило за играње со рака и воведувањето на ВАР-системот е вина на Европската Унија и поради тоа Велика Британија треба да заврши со излегувањето од ЕУ.
При гостување на „Скај спортс“, Холовеј зборуваше за контроверзната одлука на ВАР-системот да го поништат голот на Габриел Жесус за Манчестер сити кој ги чинеше победа против Тотенхем. Поранешниот тренер на Квинс парк ренџерс и Плајмут тврди дека новото правило по кое ако по секое играње со рака, дури и случајно, се постигне гол тој треба да биде поништен е доволна причина да се замине од ЕУ.
„Треба да се тргне тоа правило бидејќи нема смисла. Најважно е да се биде јасен и очигледен. Мислам дека некои луѓе ни кажуваат што треба да правиме со фудбалот и тоа мора да биде сопрено. Се надевам дека ќе излеземе од ЕУ, бидејќи гласавме за тоа и никој не треба да ни кажува какви се фудбалските правила“, вели Холовеј.
Секако, ЕУ и „брегзит“ немаат никаква врска во фудбалот, и ЕУ нема никакво влијание во утврдувањето на правилата на фудбалската игра, туку тоа го прави Интернационалниот фудбалски борд (ИФАБ).
Ian Holloway criticises VAR and hopes Brexit happens as “you cannot have someone telling us how to do our own game”. ⚽
Watch more videos from Sky News here: https://t.co/hhDQuPJRZP pic.twitter.com/cv71jvODmJ
— Sky News (@SkyNews) August 21, 2019