Дисциплинската комисија на Фудбалскиот сојуз на Црна Гора одлучи да ги врати клубовите Зета и Будва во понискиот (трет) ранг од натпреварувањето.
За потсетување, последно коло од плеј-офот за пополнување на Втората лига, Будва и Зета одиграа нерешено 3:3, Будва го доби пенал рулетот со 4:2.
Токму таков епилог, реми со голови, со победата на Будва на пенали, им одговараше на двата тима за да се пласираат во повисок ранг. Извиси Ибар од Рожај.
„Со одлука на Дисциплинската комисија, споменатите клубови се вратени во понизок ранг, поради учество во нерегуларности на натпреварот од третото коло од плеј-офот за пополнување на Втората лига на Црна Гора. Клубовите го прекршија членот 92 од Дисциплинскиот правилник“, стои во соопштението на Фудбалскиот сојуз на Црна Гора.
Исто, двајца фудбалери на Зета и еден на Будва добија 18-месечни суспензии.