Денес во седиштето на УЕФА во Нион ќе бидат извлечени осмина-финалните двојки во фудбалска Лига на шампиони. Извлекувањето на двојките ќе започне во 12 часот.
Пласман во нокаут фазата изборија 16 екипи, по две од осумтте групи. Победниците на групите ќе бидат носители на ждрепката. Според правилата во осмина-финалето не може да играат екипи од иста држава, а исто така не е возможно да играат и тимови кои бие во иста група.
Носители на ждрепката ќе бидат Барселона, Бешикташ, Ливерпул, Манчестер Сити, Манчестер јунајтед, ПСЖ, Рома, Тотенхем.
Неносители се Базел, Баерн Минхен, Челси, Јувентус, Порто, Реал Мадрид, Севилја и Шахтјор.
Првите осмина-финални натпревари ќе се одиграат на 13 и 14 февруари, односно на 20 и 21 февруари, а реваншите се на 6 и 7 март, односно на 13 и 14 март.
Веднаш по завршувањето на ждрепката за Лигата на шампионите, од 13 часот ќе бидат извлечени и двојките за нокаут фазата во Лига Европа.
Носители на ждрепката ќе бидат: Милан, Арсенал, Аталанта, Атлетик Билбао, Атлетико Мадрид, Брага, Борусија Дортмунд, ЦСКА Москва, Динамо Киев, Лацио, Лајпциг, Локомотив Москва, Викторија Плзен, Салцбург, Спортинг Лисабон, Виљареал, Зенит
Неносители: АЕК, Астана, Селтик, Црвена звезда, Стеауа, Копенхаген, Лудогорец, Лион, Олимпик Марсеј, Наполи, Ница, Естерсунд, Партизан, Реал Сосиедад, Спартак Москва.
Првите натпревари ќе се одиграат на 15 февруари, а реваншите се на програмата една недела подоцна.