Фудбалерите на мексикански Тигрес се пласираа во полуфиналето на Светското клупско првенство во Катар.
Мексиканскиот клуб попладнево со пресврт, со 2-1 славеше против корејски Улсан откако во 24 минута Ки-Хе Кин донесе водство за азијскиот претставник на ова натпреварување.
Пресвртот за Тигрес беше благоарение на францускиот напаѓач Андре-Пјер Жињак кој со головите во 38, и во 45 минута, од пенал, го постави конечниот резултат.
Во полуфиналето противник на Тигрес ќе му биде бразилски Палмеирас, а вториот полуфинален меч ќе биде познат по завршувањето на натпреварот меѓу локалниот Ал Духаил и Ал Ахли од Египет. Победникот од овој меч во борбата за финале ќе се судри со европскиот шампион, Баерн Минхен.
Полуфиналните дуели се на 7. и 8. февруари, а финалето е закажано за на 11. овој месец.