Сонот за титула од Лигата на шампионите уште една година ќе остане само сон за навивачите на Јувентус, откако „бјанконерите“ загубија дома од Вилјареал со 0:3, а во четврт-финалето на елитното европско натпреварување ќе им се приклучи и Челси, кои стигнаа до 1:2 победа на гостувањето кај Лил во период во кој клубот е под финансиски притисок по санкциите за газдата Роман Абрамович.
Макс Алегри најави дека со малку среќа Јувентус ќе може да се надева на трофеј од ЛШ, но во сезоната во која имаат и потпросечна форма во Серија А, тоа нема да се случи. „Жолтата подморница“ на Унаи Емери дојде во водство во 78. минута од мечот со голот од пенал на Жерард Морено по невнимателниот старт на Даниеле Ругани, за во 85. минута, Пау Торес да го потврди пласманот со убав гол по контранапад. Во 90. минута беше досуден уште еден пенал за Вилјареал, откако Јуве тргна целосно во напад, кој Данџума сигурно го реализираше.
Во Франција пак, Лил се понадева дека ќе може да ја надополни негативата од 0:2 од првиот меч против европскиот шампион кога Бурак Јилмаз ги донесе во водство во 38. минута од пенал, но Челси го врати ударот преку Кристијан Пулишиќ во финишот на полувремето. Капитенот Цезар Азпиликуета во 71. минута го осигура
ЛИГА НА ШАМПИОНИ, 1/8 ФИНАЛЕ, 2.МЕЧ
Јувентус – Вилјареал 0:3, прв меч 1:1, вкупно 1:4
Лил – Челси 1:2, прв меч 0:2, вкупно 1:4
ЧЕТВРТ-ФИНАЛИСТИ НА ЛШ:
Ливерпул (Анг), Челси (Анг), Манчестер сити (Анг), Реал Мадрид (Шпа), Атлетико Мадрид (Шпа), Вилјареал (Шпа), Бенфика (Пор), Баерн Минхен (Гер)