УЕФА не се реши на строга казна, казнувајќи го Златан Ибрахимовиќ со 50.000 евра, а Милан со 25.000 евра за неговата вклученост во обложувалница на Малта (тој е сопственик на 10 отсто од веб-сајтот „Бетхард“).
Фудбалерите и тренерите не смеат да имаат уддели во обложувалници според правилата на УЕФА и кога почна истрагата минатиот месец се најавуваше дека Ибрахимовиќ дури може да добие двегодишна суспензија, што би значело крај на неговата кариера.
39-годишниот ветеран имаше одлична сезона за „росонерите“ со 17 гола во сите натпреварувања, но се повреди во финишот на сезоната, по што пропушти шанса да заигра за Шведска на Европското првенство ова лето.