Барселона е третиот патник на завршниот Ф4 турнир во кошаркарската Евролига, придружувајќи им се на Реал Мадрид и на Анадолу Ефес, откако вечерва ја доби „мајсторката“ со Баерн Минхен со 81:72. Каталонскиот тим славеше со 3:2 во победи во четвртфиналната серија.
Николас Лапровитола со 26 поени и Никола Миротиќ со 20 поени беа предводници во тимот на Барселона.
Кај Баерн Минхен, Хантер постигна 18 поени, а Јарамаз еден поен помалку.
Последниот патник на Ф4 ќе го даде „мајсторката“ меѓу Олимпијакос и Монако.