Top Sport

Бел во КК Будуќност, се чека и Норис Кол

Челниците на регионалниот кошаркарски шампион, Будуќност, беа активни на трансфер пазарот во изминатите два дена. Откако, во четвртокот, го потпишаа талентираниот Грузиец Гога Битадзе, претпладнево клубот објави дека договор потпишал и Американецот Џејмс Бел, а во наредните денови се очекува во Подгорица да пристигне и играч со НБА педигре, Норис Кол.

Џејмс Бел, сезоната ја започна во Цедевита, но решил да ја раскине соработката со хрватскиот шампион. Бел, сезонава во АБА-лигата има просек од 15,2 поени по натпревар.

Лани овој Американец, со Дарушафака го освои Еврокупот, а во кариерата играл на универзитетот Виланова, во Ваноли (Италија), Нанси (Франција) и Хулон (Израел).

Норис Кол е поранешен играч од шампионската генерација на Мајами Хит. Тој е играч на Авелино, а од Италија заминува бидејќи клубот има сериозни финансиски проблеми.

Scroll to Top