Бил Расел легендарниот центар на Бостон Селтикс по 44 години го прифати прстенот што го добиваат членовите на кошаркарската Куќа на славните. Освојувачот на 11 шампионски титули со Селтикс во Куќата на славните е примен во 1975 година.
Расел (85) во текот на кариерата долага 13 години (1957-1969) освоил 11 титули. Тој во секоја сезона бил дел од Ол-стар натпреварот.
Во 1975 година станал првиот афро-американец кој е избран во Куќата на славните. Тогаш тој ја одбил таа чест, а за „Њујорк Тајмс“ рекол дека имал свои причини за кои не сакал да говори.
„Не сакам да бидам дел од тоа. Не одам. Тие тоа го знаат. Со години се чувствувам така“, рекол во 1975 година Расел.
44 години подоцна не само што го прифатил прстенот туку и објаснил зошто постапил така.
„Одбив да стана првиот црномурен играч во куќата на славните. Чувствував дека имаше други пред мене кои требаа да ја добијат таа чест“.
More than 40 years later, Celtics great Bill Russell finally accepts his Hall of Fame ring https://t.co/V90R9b2lgM
— The Boston Globe (@BostonGlobe) November 15, 2019
Расел во периодот од 1966 до 1969 бил играч и тренер на Бостон. Тој е првиот црномурен тренер во историјата на спортот во Северна Америка.
Бил Расел прстенот го примил заедно со колегите Бил Волтон и Алонзо Морнинг, односно кошаркарката Ен Мејерс.
Во кариерата Расел постигнал 14.522 поени, забележал 21.620 скокови и 4.100 асистенции. Исто така во 2011 година го добил претседателскиот медал за својот придонес кон кошарката.