Хрватот Бојан Богдановиќ го напушти Детроит, а Василије Мициќ замина од Оклахома.
Неколку часа пред крајот на преодниот рок во НБА лигата, Детроит Пистонс го испрати Бојан Богдановиќ заедно со Алек Буркс во Њујорк Никс, во спротивна насока заминаа Еван Фруние, Квентин Грајмс, Малачи Флин, Рајан Арчидаконо. Детроит од Њујорк доби и два пика од втората рунда на драфтот.
Хрватскиот репрезентативец пропушти дел од сезоната поради повреда, но по враќањето на теренот игра во одлична форма и несомнено ќе биде големо засилување за Никс кои се борат за НБА плеј-офот.
Богдановиќ сезонава одигра 28 меча со просечни 20,2 поени, 3,4 скока и 2,5 асистенции.
Од друга страна, Алек Буркс е на 12,6 поени, 2,6 скока и 1,6 асистенции. Тој веќе играше за Никс во 2022 година.
Некаде во исто време, трејд направија Оклахома и Шарлот. Главна ѕвезда на овој трејд е поранешниот Ол-стар, Гордон Хејворд.
За Хејворд, Шарлот ги доби покрај Василије Мициќ, Давис Бертанс и Тре Мен.
Мициќ, пред две години беше МВП во Евролигата, но во Оклахома речиси и да не играше.
На 30 настапи имаше просек од 3,3 поени, 2,5 асистенции и 0,8 скока.