Кошаркарите на Голден стејт Вориорс го изедначија резултатот во финалната серија, во НБА лигата на 1:1. Вориорс убедливо славеа над Бостон Слетикс со 107:88. Серијата сега се сели во ТД Гарден во Бостон, каде ќе се одиграат третиот и четвртиот натпревар.
Вориорс, во третата четвртина, ги решија сите дилеми околу победникот. Овој период од играта го добија со 35:14. Во последниот квартал, Ворирос ја имаа најголемата предност 93:64.
Победникот го предводеше Стеф Кари со 29 поени (5 тројки), Џордан Пул постигна 17 и тој постигна пет тројки. Двоцифрен ефект имаа уште тројца играчи: Кевон Луни уфрли 12, а Ендрју Вигинс и Клеј Томпсон по 11 поени.
Кај Бостон се истакнаа Џејсон Тејтум со 28 и Џејлен Браун со 17 поени.