Она што со денови се шпекулира по социјалните медиуми, наскоро би можело да добие епилог. Се поизвесно станува дека кошаркарските браќа По и Марк Гасол конечно ќе заиграат во иста екипа и тоа шампионска – ЛА Лејкерс.
Pau and Marc Gasol would be the first set of brothers to each play for the Lakers at any point in their careers ? pic.twitter.com/oNJz3RfuSY
— ESPN (@espn) November 23, 2020
Двајцата ги бранеа боите на Барселона и Мемфис Гризлис, Марк уште настапуваше и за шпанска Џирона и за Торонто Репторс, додека постариот брат беше дел од Чикаго, Сан Антонио и Милвоки Бакс.
По имаше големи проблеми со повредите, се уште не се знае каква е неговата здравствена состојба, а целата приказна ја лансираше најдобриот играч на денешницата, Леброн Џејмс.
LeBron talking about his new teammates the Lakers acquired during free agency. Can’t wait to see the whole interview ??
— NBA SKITS (@NBA_Skits) December 1, 2020
„По во Лејкерс? Можеби, ќе видиме, ќе видиме… Многу сум среќен што го гледам Марк во Лејкерси. Тој е голем НБА шампион. Освои прстен со Репторси, плус Марк има освоено и трофеј за најдобар дефанзивец на годината“ рече Џејмс.
По никогаш не ги криел емоциите што ги има кон „Езерџиите“, играше за оваа екипа од 2008 до 2014 година и освои шампионски прстен во тандем со Коби Брајант.