Поранешната славна српска кошаркарка Милица Дабовиќ влезе во зачудувачки напад на националната федерација откако на Американката Ивон Андерсон и беше дозволено да игра за српската репрезентација.
Дабовиќ, која со Србија во 2015 го освои Европското првенство, се побуни што нејзината помлада сестра Ана не е повикана во српската репрезентација.
„Ало! Покрај толку таленти во нашата Србија да се донесе Американка, и тоа уште црнкиња, и тоа на позиција на плејмејкер, покрај живата Ана Дабовиќ, тоа е навистина надвор од умот. Селекторко до кога ќе се играш со луѓето? Можеби сум луда, ама ова не го прифаќам“, напиша Дабовиќ на Твитер.
Андерсон не е првата Американка која играла за Србија, откако Даниел Пејџ и беше колешка токму на Дабовиќ.
Alo pored toliko talenata u ovoj nasoj Srbiji dovesti Amerikanku i to jos crnkinju i to jos na pleju pored zive Ane Dabovic za mene je van svake pameti, Selektorko dokle ces se jos sprdati sa ljudima??? Mozda sam ja luda, ali ne prihvatam!!
— MILICA DABOVIC (@MILICADABOVIC13) November 13, 2020