Денвер Нагетс, изминатата ноќ, ги декласираа ЛА Лејкерс 117:85. Денвер се трети на Западот со скор од 14 победи и седум порази, а Лејкерс се на седмата позиција со 11 победи и девет порази.
Денвер со добра одбрана успеа да ги неутрализира главните играчи на Лејкерс, најмногу тоа се однесува на Леброн Џејмс. Третата четвртина беше клучна за конечниот победник. Во тој период Денвер ја направија недостижната предност.
Џамал Мари, Малик Бизли и Пол Милсап постигнаа по 20 поени за Денвер, а Никола Јокиќ забележа 14 поени и по седум скока и асистенции.
Леброн Џејмс на спротивната страна имаша скромен учинок од 14 поени и седум скока. Кајл Кузма со 21 поен беше најефикасен кај „езерџиите“.
Резултати:
Детроит Пистонс-Њујорк Никс 115:108
Мајами Хит-Атланта Хоукс 113:115
Мемфис Гризлис-Торонто Репторс 114:120
Феникс Санс-Индијана Пејсерс 104:109