Денвер Нагетс забележаа победа над Финикс Санс 110:98. Блескаше минатосезонскиот МВП, Никола Јокиќ, кој го предводеше својот тим со 27 поени и 13 скокови. Портланд Блејзерси, во драматичен меч загубија од Сакраменто Кингс 121:124. Јусуф Нуркиќ во поразениот тим запиша 20 поени и 14 скока.
Денвер му се реваншираше на тимот од кого доби метла во плејофот. Нагетс се вратија од негативата од 16 поени и на крајот убедливо го поразија Финикс. Покрај Јокиќ уште петмина играчи на Денвер беа двоцифрени.
Вил Бартон (20 поени, 6 скока, 5 асистенции), Мајкл Портер (15 поени), Дени Грин (13 поени), Арон Гордон (12 поени).
Кај Финикс потфрлија двајцата најдобри, Девин Букер постигна 12, а Диандре Ејтон 15 поени. Најефикасен беше Мајкл Бриџис со 16 поени.
Портланд немаше одговор за Херисон Барнс во дуелот со Сакраменто. Барнс постигна 36 поени во победата 124:121. Во чекот го следеше Диареон Фокс со 27 поени, 5 скока и 8 асистенции.
Покрај Нуркиќ во редовите на Портланд се истакнаа Си-Џеј Мекалум со 34 поени и Демијан Лилард со 20 поени и 11 асистенции.